English
ខ្មែរព័ត៌មាន
ព័ត៌មាន
ព័ត៌មានពីស៊ីអិនស៊ីស៊ី
អគ្គលេខាធិការដ្ឋានក្រុមប្រឹក្សាជាតិកម្ពុជាដើម្បីកុមារ (ក.ជ.ក) វគ្គបណ្តុះបណ្តាលគ្រូបង្គោលស្តីពីគោលការណ៍ណែនាំសម្រាប់អនុវត្តការចូលរួមរបស់កុមារ ដល់អង្គការសមាជិក និងដៃគូរបស់អង្គការសម្ព័ន្ធចាប់ដៃ ឯកឧត្តម ណុប ឫទ្ធា អគ្គលេខាធិការរង នៃអគ្គលេខាធិការដ្ឋាន ក.ជ.ក តំណាងដ៏ខ្ពង់ខ្ពស់ ឯកឧត្តម គីម សុវណ្ណឌី អគ្គលេខាធិការ នៃអគ្គលេខាធិការដ្ឋាន ក.ជ.ក បានចូលរួមជាគណៈអធិបតីភាពវគ្គបានរៀបចំវគ្គបណ្តុះបណ្តាលគ្រូបង្គោលស្តីពីគោលការណ៍ណែនាំសម្រាប់ អនុវត្តការចូលរួមរបស់កុមារ ដល់មន្ត្រីនៃអង្គការសមាជិក និងដៃគូរបស់អង្គការសម្ព័ន្ធចាប់ដៃ ។
វគ្គបណ្តុះបណ្តាលនេះរៀបចំឡើងក្នុងគោលបំណង ដើម្បីឱ្យមន្ត្រីនៃអង្គការសមាជិករបស់អង្គការសម្ព័ន្ធចាប់ដៃក្លាយជាគ្រូបង្គោល និងមានសមត្ថភាពយកខ្លឹមសារនៃគោលការណ៍ណែនាំសម្រាប់អនុវត្តការចូលរួមរបស់កុមារទៅផ្សព្វផ្សាយបន្ត ឬអនុវត្តនៅក្នុងអង្គការសាមីរបស់ខ្លួន និងលើកកម្ពស់ ការចូលរួមរបស់កុមារតាមរយៈការកសាងសមត្ថភាពអ្នកពាក់ព័ន្ធដែលធ្វើការងារជាមួយកុមារ។ វគ្គបណ្តុះបណ្តាលនេះមានសិក្ខាកាមចូលរួមអញ្ជើញមកពីអង្គការសមាជិក និងដៃគូរបស់អង្គការសម្ព័ន្ធចាប់ដៃសរុបចំនួន ២៧នាក់(ស្រី ១៨នាក់)។
ក្នុងវិធីបើកវគ្គបណ្តុះបណ្តាលនេះឯកឧត្តមអគ្គលេខាធិការរង បានលើកឡើងអំពីកិច្ចខិតខំប្រឹងប្រែង និងការប្តេជ្ញារបស់រាជរដ្ឋាភិបាល កម្ពុជាក្នុងការលើកកម្ពស់ការអនុវត្តនូវអនុសញ្ញាស្តីពីសិទ្ធិកុមារ និងពិធីសារបន្ថែម របស់គណៈកម្មាធិការសិទ្ធិកុមារនៃអង្គការសហប្រជាជាតិ និងការបញ្ញត្តិនូវឯកសារបទដ្ឋានគតិយុត្តមួយចំនួនដើម្បីឧត្តមប្រយោជន៍របស់កុមារកម្ពុជា។
ជាមួយគ្នានេះឯកឧត្តមបានបញ្ជាក់មន្ថែមទៀតថា វគ្គបណ្តុះបណ្តានេះមានសារៈសំខាន់ណាស់ គឺបានពង្រឹងចំណេះដឹងពាក់ព័ន្ធនឹងអនុសញ្ញាស្តីពីសិទ្ធិកុមារ ជាពិសេសទាក់ទងនឹងការអនុវត្តសិទ្ធិចូលរួមរបស់កុមារឱ្យកាន់តែ ល្អប្រសើរឡើងថែមទៀត និងបានផ្តល់នូវអនុសាសន៍ដល់សិក្ខាកាមជាគ្រូបង្គោល ឱ្យខិតខំយកចិត្តទុកដាក់សិក្សា ស្រាវជ្រាវបន្ថែមទៀតលើចំណេះដឹងស្តីពីសិទ្ធិកុមារ ជាពិសេសចំណេះដឹងពាក់ព័ន្ធនឹងគោលការណ៍ណែនាំសម្រាប់ អនុវត្តការចូលរួមរបស់កុមារ ដើម្បីមានសមត្ថភាពយកចំណេះទាំងនេះទៅអនុវត្តក្នុងក្របខ័ណ្ឌសមត្ថកិច្ចរបស់ខ្លួន ក៏ដូចជាយកទៅផ្សព្វផ្សាយ និងបណ្តុះបណ្តាលបន្តទៅដល់អង្គការសាមីរបស់ខ្លួន និងសហគមន៍ ។
រាជធានីភ្នំពេញ ឌីខេមីតធីងសេនធ័រ ថ្ងៃពុធ-ព្រហស្បតិ៍ ១-២កើត ខែមិគសិរ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី១៣-១៤ ខែធ្នូ ឆ្នាំ២០២៣។
វេទិកាកុមារ និងអ្នកធ្វើគោលនយោបាយ
អគ្គលេខាធិការដ្ឋាន ក.ជ.ក. សហការជាមួយក្រសួង ស្ថាប័ន និងអង្គការមិនមែនរដ្ឋាភិបាលមួយចំនួនបានរៀបចំវេទិកាកុមារ និងអ្នកធ្វើគោលនយោបាយ ដើម្បីលើកកម្ពស់ការចូលរួមរបស់កុមារ ក្នុងដំណើរការរៀបចំគោលនយោបាយ និងចែករំលែកនូវវឌ្ឍនភាព បញ្ហាប្រឈម និងដំណោះស្រាយដល់កុមារ។
កិច្ចប្រជុំពិនិត្យលើសារាចរ និងសារលិខិត អបអរសាទរខួបលើកទី៧៥ ទិវាកុមារអន្តរជាតិ១មិថុនា ខួបលើកទី២៣ ទិវាពិភពលោកប្រឆាំងពលកម្មកុមារ១២មិថុនា និងទិវាកុមារកម្ពុជាឆ្នាំ២០២៤
ប្រតិភូក្រសួង ស.អ.យ. និងអគ្គលេខាធិការដ្ឋាន ក.ជ.ក. ចូលរួមរួមកិច្ចប្រជុំជាមួយក្រុមប្រឹក្សាអ្នកច្បាប់នៃទីស្តីការគណៈរដ្ឋមន្រ្តី ដើម្បីពិនិត្យលើសារាចរ និងសារលិខិត អបអរសាទរខួបលើកទី៧៥ ទិវាកុមារអន្តរជាតិ១មិថុនា ខួបលើកទី២៣ ទិវាពិភពលោកប្រឆាំងពលកម្មកុមារ១២មិថុនា និងទិវាកុមារកម្ពុជាឆ្នាំ២០២៤
កិច្ចប្រជុំគណ:កម្មការ អនុគណ:កម្មការមីទ្ទីងអបអរសាទរខួបលើកទី៧៥ ទិវាកុមារអន្តរជាតិ១មិថុនា ខួបលើកទី២៣ ទិវាពិភពលោកប្រឆាំងពលកម្មកុមារ១២មិថុនា និងទិវាកុមារកម្ពុជាឆ្នាំ២០២៤
អគ្គលេខាធិការដ្ឋាន ក.ជ.ក. ក្រោមអធិបតីភាពលោកជំទាវ ខៀវ បូរី រដ្ឋលេខាធិការក្រសួង ស.អ.យ. និងជាអនុប្រធាន ក.ជ.ក. បានប្រជុំពិនិត្យលើវឌ្ឍនភាពការងារនៃការត្រៀមរៀបចំមីទ្ទីងអបអរសាទរខួបលើកទី៧៥ ទិវាកុមារអន្តរជាតិ១មិថុនា ខួបលើកទី២៣ ទិវាពិភពលោកប្រឆាំងពលកម្មកុមារ១២មិថុនា និងទិវាកុមារកម្ពុជាឆ្នាំ២០២៤
គណៈប្រតិភូអគ្គលេខាធិការដ្ឋាន ក.ជ.ក. ចុះសួរសុខទុក្ខកុមាររនៅជាមួយម្តាយក្នុងមណ្ឌលអប់រំកែប្រែទី២
អគ្គលេខាធិការដ្ឋាន ក.ជ.ក. សហការជាមួយអង្គការសប្បុរសធ៌បាននាំយក នូវអំណោយមួយចំនួនទៅចែកជូនដល់កុមារដែលរស់នៅជាមួយម្តាយ និងស្រ្តីមានផ្ទៃពោះនៅក្នុងមណ្ឌលអប់រំកែប្រែទី២
សេចក្តីអំពាវនាវរបស់អគ្គលេខាធិការដ្ឋានក្រុមប្រឹក្សាជាតិកម្ពុជាដើម្បីកុមារ
អគ្គលេខាធិការដ្ឋានក្រុមប្រឹក្សាជាតិកម្ពុជាដើម្បីកុមារមានកិត្តិយសសូមអំពាវនាវដល់អង្គភាពក្រោមឱវាទក្រសួងសង្គមកិច្ច អតីតយុទ្ធជន និងយុវនីតិសម្បទា សូមមេត្តាចូលរួមចំណែកសប្បុរសធម៌ ឧបត្ថម្ភជាថវិកា ឬសម្ភារៈសិក្សា ដើម្បីចែកជូនដល់កុមារកំព្រា កុមារពិការ កុមារក្រីក្រ និងកុមារអនាថា។
សេចក្តីសម្រេចស្តីពីការបង្កើតគណៈកម្មាធិការរៀបចំមីទ្ទីងអបអរសាទរខួបលើកទី៧៥ទិវាកុមារអន្តរជាតិ១មិថុនា ខួបលើកទី២៣ ទិវាពិភពលោកប្រឆាំងពលកម្មកុមារ១២មិថុនា និងទិវាកុមារកម្ពុជាឆ្នាំ២០២៤
ប្រធានក្រុមប្រឹក្សាជាតិកម្ពុជាដើម្បីកុមារ(ក.ជ.ក.)បង្កើតគណៈកម្មការអន្តរក្រសួង ស្ថាប័ន អង្គការដៃគូពាក់ព័ន្ធ ដើម្បីរៀបចំមីទ្ទីងអបអរសាទរខួបលើកទី៧៥ទិវាកុមារអន្តរជាតិ១មិថុនា ខួបលើកទី២៣ ទិវាពិភពលោកប្រឆាំងពលកម្មកុមារ១២មិថុនា និងទិវាកុមារកម្ពុជាឆ្នាំ២០២៤ នៅថ្ងៃទី៣០ ខែឧសភា ឆ្នាំ២០២៤ នៅសាលមហោស្រពនៃមណ្ឌលសន្និបាត និងពិព័រណកោះពេជ្រ។
សេចក្តីជូនដំណឹង ស្តីពីការប្រឡងគូរគំនូរសម្រាប់កុមារដើម្បីអបអរសាទរទិវាកុមារអន្តរជាតិ១មិថុនា និងទិវាកុមារកម្ពុជាឆ្នាំ២០២៤
អគ្គលេខាធិការដ្ឋានក្រុមប្រឹក្សាជាតិកម្ពុជាដើម្បីកុមារ (ក.ជ.ក.) សូមជម្រាបជូនសាធារណជន ជាពិសេសក្មួយៗ កុមារា កុមារី ឱ្យបានជ្រាបថា អគ្គលេខាធិការដ្ឋាន ក.ជ.ក. បានសហការជាមួយវិទ្យាស្ថានសិល្បៈភ្នំពេញអន្តរជាតិនឹងរៀបចំការប្រឡងគូរគំនូរសម្រាប់កុមារ ដើម្បីអបអរសាទរទិវាកុមារអន្តរជាតិ១មិថុនា ឆ្នាំ២០២៤ ដើម្បីឱ្យកុមារមកពីគ្រប់មជ្ឈដ្ឋានបានចូលរួមបញ្ចេញសមត្ថភាព និងទេពកោសល្យរបស់ខ្លួន និងលើកទឹកចិត្តឱ្យកុមារបានចូលរួម រីករាយក្នុងថ្ងៃទិវារបស់ពួកគេ។
កិច្ចប្រជុំកម្រិតបច្ចេកទេសអន្តរក្រសួង ស្ថាប័ន និងអង្គការដៃគូពាក់ព័ន្ធ ដើម្បីពិភាក្សាជ្រើសរើសប្រធានបទ និងការកៀរគរធនធានរៀបចំទិវាកុមារអន្តរជាតិ១មិថុនា និងទិវាកុមារកម្ពុជាឆ្នាំ២០២៤
អគ្គលេខាធិការដ្ឋាន ក.ជ.ក. សំណូមពរដល់អង្គការដៃគូពាក់ព័ន្ធនានា ចូលរួមគាំទ្រជាសម្ភារៈ និងថវិកា ដល់កម្មវិធីទិវាកុមារអន្តរជាតិ១មិថុនា និងទិវាកុមារកម្ពុជាឆ្នាំ២០២៤ដើម្បីបង្ហាញឱ្យឃើញអំពីកិច្ចខិតខំប្រឹងប្រែងសហការគ្នារវាងរដ្ឋាភិបាល និងអង្គការដៃគូក្នុងការលើកកម្ពស់សិទ្ធិកុមារនៅកម្ពុជា
ពិធីជួបសម្ដែងការគួរសមជាមួយតំណាងអង្គការសហប្រជាជាតិប្រចាំកម្ពុជា
ឯកឧត្តមអគ្គលេខាធិការ ចូលរួមអមដំណើរឯកឧត្តមរដ្ឋមន្រ្តីក្រសួង ស.អ.យ. និងជាប្រធាន ក.ជ.ក ជួបសម្ដែងការគួរសមជាមួយតំណាងអង្គការសហប្រជាជាតិប្រចាំកម្ពុជា ពិភាក្សាការងារ ដើម្បីឆ្លើយតបទៅនឹងយុទ្ធសាស្ត្របញ្ចកោណ-ដំណាក់កាលទី១ ជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០
កិច្ចប្រជុំគណៈកម្មាធិការជាតិប្រឆាំងពលកម្មកុមារ ដើម្បីបង្ហាញពីសមាសភាពថ្មី និងការបង្កើនកិច្ចសហការអន្តរក្រសួងឱ្យកាន់តែមានប្រសិទ្ធភាពខ្ពស់ ដើម្បីប្រឆាំងនឹងពលកម្មកុមារគ្រប់រូបភាព
គណៈកម្មាធិការជាតិប្រឆាំងពលកម្មកុមារបានជំរុញការផ្សព្វផ្សាយពីសកម្មភាពការលើកកម្ពស់ បញ្ជ្រាប និងទប់ស្កាត់សកម្មភាពប្រឆាំងពលកម្មកុមារ ដល់សាធារណជន ដើម្បីឱ្យការគោរពសិទ្ធិកុមារកាន់តែប្រសើឡើងថែមទៀត
