កិច្ចប្រជុំពិភាក្សា កៀរគរកិច្ចសហការថវិកា ធនធាន សម្ភារៈ ជាមួយក្រសួង ស្ថាប័ន និងអង្គការដៃគូ ដើម្បីរៀបចំទិវាកុមារអន្តរជាតិ១មិថុនា ឆ្នាំ២០២៦។

ទីស្តីការក្រសួង ស.អ.យ. ព្រឹកថ្ងៃទី២៦​ ខែមីនា​ ឆ្នាំ២០២៦ អគ្គលេខាធិការដ្ឋា​នក្រុមប្រឹក្សាជាតិកម្ពុជាដើម្បីកុមារ (ក.ជ.ក.) បានរៀបចំកិច្ចប្រជុំពិភាក្សាកៀរគរកិច្ចសហការថវិកា ធនធាន សម្ភារៈ ជាមួយក្រសួង​  ស្ថាប័ន​ និងអង្គការដៃគូ ដើម្បីរៀបចំមីទ្ទីងអបអរសាទរខួបលើកទី៧៧ទិវាកុមារអន្តរជាតិ១មិថុនា​  ខួបលើទី២៥ទិវាពិភពលោកប្រឆាំងពលកម្មកុមារ១២មិថុនា​  និងទិវាកុមារកម្ពុជាឆ្នាំ២០២៦។

គោលបំណងនៃកិច្ចប្រជុំគឺ (១) ពិភាក្សា និងពិនិត្យជ្រើសរើសប្រធានបទសម្រាប់ទិវា១មិថុនាឆ្នាំ២០២៦ ដើម្បីដាក់ជូនថ្នាក់ដឹកនាំពិនិត្យនិងសម្រេច (២) កៀរគរកិច្ចសហការថវិកា ធានធាន​ និងសម្ភារៈពី​ក្រសួង ស្ថាប័ន និងអង្គការដៃគូពាក់ព័ន្ធនានា ដើម្បីគាំទ្រទៅលើកម្មវិធីមួយចំនួននៃទិវាកុមារអន្តរជាតិ ១មិថុនា ឆ្នាំ២០២៦។

កិច្ចប្រជុំប្រព្រឹត្តិទៅក្រោមអធិបតីភាព លោកជំទាវ ខៀវ បូរី ​រដ្ឋលេខាធិការ ក្រសួង ស.អ.យ.​ និងជាអនុប្រធានក្រុមប្រឹក្សាជាតិកម្ពុជាដើម្បីកុមារ ​និងមានអ្នកចូលរួមអញ្ជើញមកពីតំណាងក្រសួង​  ស្ថាប័ន​ និងអង្គការដៃគូនានា​  សរុប ប្រមាណ​ ៤០រូប។

គួរបញ្ជាក់ផងដែរថា៖ ដើម្បីអបអរសាទរក្នុងឱកាសទិវា១មិថុនាឆ្នាំ២០២៦នេះ អគ្គលេខាធិការដ្ឋាន ក.ជ.ក.​ គ្រោងនឹងរៀបចំនូវកម្មវិធីមួយចំនួន រួមមាន៖ (១). គ្រោងផលិតវីដេអូខ្លីពាក់ព័ន្ធនឹងវឌ្ឍនភាពការអនុវត្តសិទ្ធិកុមារនៅកម្ពុជា, (២) គ្រោងរៀបចំវេទិកាកុមារ និងអ្នកធ្វើគោលនយោបាយ, (៣) គ្រោងធ្វើ TV Talk Show ពាក់ព័ន្ធនឹងវឌ្ឍនភាពការអនុវត្តសិទ្ធិកុមារនៅកម្ពុជា និង(៤) គ្រោងរៀបចំស្តង់ពិព័រណ៍សមិទ្ធផល​ស្នា​ដៃ​រប​ស់កុមារ និងយុវជន នៅខាងមុខទីស្តីការក្រសួង ស.អ.យ. ។ល។