វគ្គបណ្តុះបណ្តាលកម្មវិធីស្វ័យសិក្សាតាមទូរសព្ទ ស្តីពីសុវត្ថិភាពកុមារតាមប្រព័ន្ធអនឡាញ ដល់លោកគ្រូ អ្នកគ្រូនៃនៃសាលាអនុ-វិទ្យាល័យ ដែលជាសាលាគោលដៅរបស់អង្គការឆាលហ្វាន កម្ពុជា គម្រោងលើកកម្ពស់ការអប់រំឌីជីថល នៅរាជធានីភ្នំពេញ និងខេត្តកណ្តាល។

វិទ្យាស្ថានជាតិសង្គមកិច្ច-ថ្ងៃទី២២ ខែឧសភា ឆ្នាំ២០២៦ អគ្គលេខាធិការដ្ឋានក្រុមប្រឹក្សាជាតិកម្ពុជាដើម្បីកុមារ (ក.ជ.ក.) សហការជាមួយអង្គការឆាលហ្វាន កម្ពុជា និងមន្ទីរអប់រំ យុវជន និងកីឡា រាជធានីភ្នំពេញ និងខេត្តកណ្តាល បានរៀបចំវគ្គបណ្តុះបណ្តាលកម្មវិធីស្វ័យសិក្សាតាមទូរសព្ទ ស្តីពីសុវត្ថិភាពកុមារតាមប្រព័ន្ធអនឡាញ (Swipe Safe App) ដល់លោកគ្រូ អ្នកគ្រូ នៃសាលាអនុ-វិទ្យាល័យ ដែលជាសាលាគោលដៅរបស់អង្គការឆាលហ្វាន កម្ពុជា គម្រោងលើកកម្ពស់ការអប់រំឌីជីថល នៅរាជធានីភ្នំពេញ និងខេត្តកណ្តាល។
 
វគ្គបណ្តុះបណ្តាលនេះរៀបចំឡើងក្នុងគោលបំណង ដើម្បីបញ្ជ្រាបដល់សាលារៀន ឱ្យចូលប្រើប្រាស់នូវកម្មវិធីស្វ័យសិក្សាតាមទូរសព្ទស្តីពីសុវត្ថិភាពកុមារតាមប្រព័ន្ធអនឡាញ និងដើម្បីឱ្យកុមារវ័យជំទង់បានយល់ដឹងអំពីហានិយភ័យ និងចេះធ្វើផែនការការពារខ្លួននៅតាមប្រព័ន្ធអនឡាញ។
 
វគ្គបណ្តុះបណ្តាលនេះ មានអ្នកចូលរួមជាតំណាង លោកគ្រូ អ្នកគ្រូ អញ្ចើញមកពីមន្ទីរអប់រំ យុវជន និងកីឡា និងសាលាអនុ-វិទ្យាល័យ ដែលជាសាលាគោលដៅរបស់អង្គការឆាលហ្វាន កម្ពុជា គម្រោងលើកកម្ពស់ការអប់រំឌីជីថល នៅរាជធានីភ្នំពេញ និងខេត្តកណ្តាល សរុប ប្រមាណ ២១រូប។