យុទ្ធនាការផ្សព្វផ្សាយស្តីពីការបង្ការ និងទប់ស្កាត់ការប្រើប្រាស់ពលកម្មកុមារ នៅតាមសហគ្រាស គ្រឹះស្ថានផលិតឥដ្ឋ ក្បឿង និងកសិឧស្សាហកម្ម។

ស្រុកបន្ទាយស្រី​-ខេត្តសៀមរាប,  ថ្ងៃទី៨ ខែមេសា​ ឆ្នាំ២០២៥ ឯកឧត្តម​ គីម​ សុវណ្ណឌី​ អគ្គលេខាធិការ នៃអគ្គលេខាធិការដ្ឋានក្រុមប្រឹក្សាជាតិកម្ពុជាដើម្បីកុមារ (ក.ជ.ក.) ​បានអញ្ជើញចូលរួមជាគណ:អធិបតីក្នុងពិធីបើកយុទ្ធនាការផ្សព្វផ្សាយស្តីពីការបង្ការ​ និងទប់ស្កាត់ការប្រើប្រាស់ពលកម្មកុមារនៅតាមសហគ្រាស​ គ្រឹះស្ថានផលិតឥដ្ឋ​ ក្បឿង​ និងកសិ-ឧស្សាហកម្មនៅឡឥដ្ឋ​ ស្រុកបន្ទាយស្រី​ ខេត្តសៀមរាប​ ក្រោមអធិបតីភាពលោកជំទាវ​ ស៊ើង សរសុចិត្តា រដ្ឋលេខាធិការ​ ក្រសួងការងារនិងបណ្តុះបណ្តាលវិជ្ជាជីវ:។

យុទ្ធនាការផ្សព្វផ្សាយនេះ មានការអញ្ជើចូលរួមពីសមាជិក សមាជិកានៃគណៈកម្មាធិការជាតិប្រឆាំងពលកម្មកុមារ (គ.ជ.ព.)  អភិបាលនៃគណៈអភិបាលរាជធានី-ខេត្ត ស្រុក ឃុំ តំណាងសហព័ន្ធសហជីពកម្មករសំណង់ និងព្រៃឈើកម្ពុជា, ម្ចាស់សិប្បកម្មផលិតឥដ្ឋ, អាណាព្យាបាល លោកគ្រូ អ្នកគ្រូ និងកុមារ សរុប ចំនួន ប្រមាណ ៣០០នាក់។