ការប្រារព្ធទិវាអបអរសាទរខួបលើកទី៧៥ ទិវាកុមារអន្តរជាតិ និងទិវាកុមារកម្ពុជាឆ្នាំ២០២៤ និងខួបលើទី២៣ ទិវាពិភពលោកប្រឆាំងពលកម្មកុមារ១២មិថុនា ។

សាលមហោស្រពកោះ​ពេ​ជ្រ ព្រឹកថ្ងៃទី៣០ ខែឧសភា ឆ្នាំ២០២៤ ​ អគ្គលេខាធិការដ្ឋាន ក.ជ.ក សហការជាមួយក្រសួង ស្ថាប័ន អង្គការមិនមែនរដ្ឋាភិបាល​ និងវិស័យឯកជន  បានរៀបចំប្រារ​ព្ធ​ពិធី​ជួបជុំថ្នាក់ជាតិដ៏ឱឡារិក ដើ​ម្បី​​ អបអរសាទរខួបលើកទី៧៥ ទិវាកុមារអន្តរជាតិ​ និងទិវាកុមារ​កម្ពុជាឆ្នាំ​២០២​៤​ ក្រោមប្រធានបទ “ការវិនិ​យោ​គ​លើកុមារ សំដៅបង្កើនមូលធនមនុស្សក្នុងយុគសម័យបវិកម្មឌីជីថល” និងខួបលើទី២៣ ទិវាពិភព​លោ​ក​ប្រឆាំង​ពលកម្មកុមារ១២មិថុនា ក្រោមប្រធានបទ “រួមគ្នាអនុវត្តការប្តេជ្ញាចិត្ត ដើម្បីបញ្ចប់ទម្រង់ធ្ងន់ធ្ងរនៃពលម្មកុមារ”។

ការប្រារព្ធពិធីនេះ ប្រប្រឹត្តទៅក្រោមអធិប​តី​ភាពឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ តំណាង​ដ៏ខ្ពង់​ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី​នៃ​ព្រះរាជាណាច​ក្រកម្ពុជា និងជាប្រធានកិត្តិយសក្រុមប្រឹក្សាជាតិកម្ពុជាដើម្បីកុមារ និងមានការអញ្ជើញចូលរួមពី​ឯកឧត្តមទេសរដ្ឋមន្រី រដ្ឋមន្ត្រី ឯកអគ្គរដ្ឋទូត ឯកអគ្គរាជទូត សមាជិក សមាជិកា ក.ជ.ក. អភិបាល នៃគណៈអភិបាលរាជធានី-ខេត្ត អង្គការដៃគូអភិវឌ្ឍន៍ជាតិ អន្តរជាតិ លោក​​ លោកស្រី តំណាងក្រសួង ស្ថាប័ន តំណាងកុមារមកពីសាលារៀនសាធារណៈ ឯកជន និងកុមារមកពីអង្គការមិនមែនរដ្ឋាភិបាល សរុប ប្រមាន ៣០០០ នាក់។

សូមបញ្ជាក់ផងដែរថា : ការប្រារព្ធទិវានេះ គឺដើម្បីរំលឹកដល់​សិទ្ធិជា​មូ​​ល​ដ្ឋា​​នរបស់​កុមារ និងបង្ហាញអំពីការប្តេជ្ញា​ចិត្តយ៉ាងមោះមុតក្នុងការយកចិត្តទុកដាក់របស់​រាជរដ្ឋាភិបាលកម្ពុជា ដើម្បីបន្តជំរុញលើកកម្ពស់ការអនុវត្តសិទ្ធិកុមារឱ្យកាន់តែប្រសើឡើងថែមទៀត និងការអបអរសាទរលទ្ធផលការងារលើវិស័យកុមារ ដែលរាជរដ្ឋាភិបាលកម្ពុជាសម្រេ​ច​បាន  ក្នុងនាមជាប្រទេសហត្ថលេខីនៃអនុសញ្ញាអង្គ​​ការសហប្រជាជាតិស្តីពីសិទ្ធិកុមារ។