English
ខ្មែរកិច្ចប្រជុំក្រុមការងារបច្ចេកទេសអន្តរក្រសួង ដើម្បីរៀបចំសេចក្តីព្រាងផែនការជាតិស្តីពីការទប់ស្កាត់ និងការឆ្លើយតបចំពោះអំពើហិង្សា លើកុមារឆ្នាំ២០២៤-២០២៨
កិច្ចប្រជុំក្រុមការងារបច្ចេកទេសអន្តរក្រសួង ដើម្បីរៀបចំសេចក្តីព្រាងផែនការជាតិស្តីពីការទប់ស្កាត់ និងការឆ្លើយតបចំពោះអំពើហិង្សា លើកុមារឆ្នាំ២០២៤-២០២៨
កិច្ចប្រជុំពិនិត្យធាតុចូលដាក់បញ្ចូលក្នុងផែនការសកម្មភាពជាតិដើម្បីការបង្ការ ទប់ស្កាត់ និងឆ្លើយតបចំពោះអំពើហិង្សាលើកុមារ ឆ្នាំ២០២៤-២០២៨អគ្គលេខាធិការដ្ឋាន ក.ជ.ក បានរៀបចំកិច្ចប្រជុំក្រុមការងារបច្ចេកទេសអន្តរក្រសួង ដើម្បីពិនិត្យ និងសម្រេចទៅលើធាតុចូលដែលបានលើកឡើងដោយតំណាងក្រសួង ស្ថាប័ន កុមារ និងអង្គការដៃគូពាក់ព័ន្ធដាក់បញ្ចូលក្នុងផែនការសកម្មភាពជាតិដើម្បីការបង្ការ ទប់ស្កាត់ និងឆ្លើយតបចំពោះអំពើហិង្សាលើកុមារ ឆ្នាំ២០២៤-២០២៨
ខេត្តកំពត, ថ្ងៃទី១៦-១៧ ខែតុលា ឆ្នាំ២០២៤ អគ្គលេខាធិការដ្ឋានក្រុមប្រឹក្សាជាតិកម្ពុជាដើម្បីកុមារ (ក.ជ.ក.) សហការជាមួយអង្គការយូនីសេហ្វ អង្គការភ្លែនអន្តរជាតិកម្ពុជា និងអង្គការ APLE បានរៀបចំកិច្ចប្រជុំក្រុមការងារបច្ចេកទេសអន្តរក្រសួង ដើម្បីពិនិត្យទៅលើការរៀបចំសេចក្តីព្រាងផែនការជាតិស្តីពីការបង្ការ ទប់ស្កាត់ និងឆ្លើយតបចំពោះអំពើហិង្សាលើកុមារ ឆ្នាំ២០២៤-២០២៨ ។
កិច្ចប្រជុំនេះរៀបចំឡើងក្នុងគោលបំណង (១)ដើម្បីពិនិត្យ និងសម្រេចទៅលើធាតុចូលដែលបានលើកឡើងពីតំណាងអង្គការដៃគូ តំណាងកុមារ និងក្រសួង ស្ថាប័នពាក់ព័ន្ធ ដាក់បញ្ចូលក្នុងផែនការសកម្មភាពជាតិដើម្បីការបង្ការ ទប់ស្កាត់ និងឆ្លើយតបចំពោះអំពើហិង្សាលើកុមារ ឆ្នាំ២០២៤-២០២៨ ។ (២)ដើម្បីពិនិត្យ សិក្សាលើយុទ្ធស្រ្តនីមួយៗដែលមានក្នុងសេចក្តីព្រាងផែនការសកម្មភាពជាតិ។
កិច្ចប្រជុំប្រព្រឹត្តិទៅ ក្រោមអធិបតីលោកជំទាវឧត្តមសេនីយ៍ឯកវេជ្ជបណ្ឌិត ប៉ុណ្ណ សំខាន់ អគ្គលេខាធិការគណ:កម្មាធិការជាតិប្រយុទ្ធប្រឆាំងអំពើជួញដូរមនុស្ស និងជាអនុប្រធានក្រុមការងារបច្ចេកទេសអន្តរក្រសួងរៀបចំផែនការសកម្មភាពជាតិដើម្បីទប់ស្កាត់ និងឆ្លើយតបចំពោះអំពើហិសង្សាលើកុមារ ២០២៤-២០២៨ តំណាងដ៏ខ្ពង់ខ្ពស់ឯកឧត្តម គីម សុវណ្ណឌី អគ្គលេខាធិការ នៃអគ្គលេខាធិការដ្ឋាន ក.ជ.ក. និងជាប្រធានក្រុមការងារបច្ចេកទេសអន្តរក្រសួង និងមានការអញ្ចើញចូលរួមពី ឯកឧត្តម លោកជំទាវ លោក លោកស្រី តំណាងក្រសួង ស្ថាប័ន និងអង្គការដៃគូអភិវឌ្ឍន៍ពាក់ព័ន្ធ សរុប ចំនួន ៥៧នាក់។
