កិច្ចប្រជុំក្រុមការងារបច្ចេកទេស ដើម្បីបន្តពិនិត្យ ពិភាក្សាលើការប្រមូលធាតុចូល និងកែលម្អនូវខ្លឹមសារមេរៀន ”សុវត្ថិភាពកុមារតាមប្រព័ន្ធអនឡាញ” សម្រាប់បណ្តុះបណ្តាលដល់និស្សិតនៃវិទ្យាស្ថានជាតិសង្គមកិច្ច បន្ទាប់ពីបានបណ្តុះបណ្តាលសាកល្បងរួច។

ខេត្តកំពត-ថ្ងៃទី២៦ ដល់២៧ ខែកុម្ភៈ ឆ្នាំ២០២៦ ក្រុមការងារបច្ចេកទេសគម្រោង ”សុវត្ថិភាពកុមារតាមប្រព័ន្ធអនឡាញ” នៃអគ្គលេខាធិការដ្ឋានក្រុមប្រឹក្សាជាតិកម្ពុជាដើម្បីកុមារ (ក.ជ.ក.) សហការជាមួយអង្គការឆាលហ្វាន កម្ពុជា និងវិទ្យាស្ថានជាតិសង្គមកិច្ច បានរៀបចំកិច្ចប្រជុំពិគ្រោះយោបល់ ដើម្បីបន្តពិនិត្យ ពិភាក្សាលើការប្រមូលធាតុចូល និងកែលម្អនូវខ្លឹមសារមេរៀន ”សុវត្ថិភាពកុមារតាមប្រព័ន្ធអនឡាញ” សម្រាប់បណ្តុះបណ្តាលដល់និស្សិតនៃវិទ្យាស្ថានជាតិសង្គមកិច្ច បន្ទាប់ពីបានបណ្តុះបណ្តាលសាកល្បងរួច។

កិច្ចប្រជុំបានដឹកនាំដោយ ឯកឧត្តម ណុប ឫទ្ធា អគ្គលេខាធិការរង តំណាងដ៏ខ្ពង់ខ្ពស់របស់ ឯកឧត្តម គីម សុវណ្ណឌី អគ្គលេខាធិការ នៃអគ្គលេខាធិការដ្ឋាន ក.ជ.ក. និងមានក្រុមការងារចូលរួមសរុប ចំនួន ១៥ នាក់។