កិច្ចប្រជុំវាយតម្លៃពាក់កណ្តាលអាណត្តិនៃផែនការសកម្មភាពដើម្បីបង្ការ ទប់ស្កាត់ និងឆ្លើយតបចំពោះការកេងប្រវ័ញ្ចផ្លូវភេទលើកុមារតាមប្រព័ន្ធអនឡាញឆ្នាំ២០២១-២០២៥ និងកិច្ចប្រជុំរៀបចំផែនការជាតិស្តីពីការទប់ស្កាត់ និងឆ្លើយតបចំពោះអំពើហិង្សាលើកុមារឆ្នាំ២០២៤-២០២៨

សណ្ឋាគារខេមរាអង្គរ​ ខេត្តសៀមរាប, ថ្ងៃទី៦​-៧ ខែមិថុនា​ ឆ្នាំ២០២៤ អគ្គលេខាធិការដ្ឋាន​ក្រុមប្រឹក្សាជាតិកម្ពុជាដើម្បីកុមារ (ក.ជ.ក.)​​ បានរៀបចំកិច្ចប្រជុំពិនិត្យ​ និងផ្តល់ធាតុចូលលើការវាយតម្លៃពាក់កណ្តាលអាណត្តិ​នៃផែនការសកម្មភាព​ដើម្បីបង្ការ​ ទប់ស្កាត់​ និងឆ្លើយតបចំពោះការកេងប្រវ័ញ្ចផ្លូវភេទលើកុមារតាមប្រព័ន្ធអនឡាញ​ឆ្នាំ២០២១-២០២៥​ និងកិច្ចប្រជុំក្រុមការងារបច្ចេកទេសអន្តរក្រសួងរៀបចំផែនការជាតិស្តីពីការទប់ស្កាត់​ និងឆ្លើយតបចំពោះអំពើហិង្សាលើកុមារ​ឆ្នាំ​២០២៤-២០២៨​។ កិច្ចប្រជុំនេះប្រព្រឹត្តិទៅក្រោមអធិបតីភាព ឯកឧត្តម​ គី​ម​ សុវណ្ណឌី​ អគ្គលេខាធិការ នៃអគ្គលេខាធិការដ្ឋាន​ ក.ជ.ក.​ និងមានការអញ្ជើញចូលរួមពី​ ឯកឧត្តម​ លោកជំទាវ​ លោក​ លោកស្រី​ កញ្ញា​ មកពីក្រសួង​ ស្ថាប័ន និងអង្គការដៃគូ​ពាក់ព័ន្ធ សរុប ចំនួន​ ៤៥នាក់។